Kapiteni i Barcelonës, Lionel Messi, ka pranuar se periudha e izolimit nga coronavirusi ishte e vështirë, por ai tani po pret me padurim rikthimin e futbollit në të ardhmen e afërt.
Argjentinasi gjatë gjithë kohës së karantimit është stërvitur në kushte shtëpiake dicka që ai beson se do ta ndihmojë të rifitojë sa më shpejt formën e humbur.
“Izolimi ishte shumë i vështirë por e kam përballuar me bashkëshorten dhe fëmijët. Gjatë kësaj periudhe jam stërvitur në kushte shtëpiake dhe mendoj se jam në një gjendje fizike optimale. Ndoshta ky pushim do të ndikojë për mirë në skuadrën tonë pasi kemi analizuar shumë gjëra që nuk po shkonin siç duhet përpara ndërprerjes. Gjithsesi kryesorja është të rifillojmë të luajmë.” – ka thënë Messi për “Mundo Deportivo”.
