Interesimi i Barcelonës për Lautaro Martinez, është diçka e konfirmuar nga vetë klubi katalanas. Mbrëmjen e djeshme gjigantit spanjoll, i ka dhënë një dorë edhe kapiteni Leo Messi, i cili ka folur me superlativa për patriotin e tij.
Messi ka deklaruar se 23-vjeçari është një lojtar i kompletuar dhe se shpreson që negociatat për shërbimet e tij të finalizohen me sukses.
“E kam thënë edhe më parë, mendoj që Lautaro është një sulmues impresionues. Driblon mirë, shënon, di të mbrojë topin dhe është shumë i fortë. Megjithatë nuk e di fazën e negociatave të Barcelonës me të, ndaj mbetet të shohim”, u shpreh argjentinasi.
