Ekspertët thonë se një valë e dytë mund të shpërthejë nëse hapen kufijtë ndërkombëtarë. Gjithashtu edhe fakti që kemi ende të infektuar në popullatë dhe kjo gjë mund të rrisë numrin R, duke e çuar kështu numrin R (pra numrin e pozitivitetit të infektimit) mbi 1, që do të thotë një përhapje jashtë mase e madhe e Covid-19.
Ekspertët marrin si shembull Korenë e Jugut dhe Kinën, ku heqja e kufizimeve ka shkaktuar një ringjallje të rasteve të reja. Një grup i ri i rasteve të koronavirusit u shfaq në kryeqytetin e vendit Seul, duke ngjallur frikë për një valë të dytë të infeksioneve në vendin e Azisë Lindore.
Studiuesi Chris Whitty tha se virusi mund të përhapet me shpejtësi nëse vala e dytë arrin në dimër dhe paralajmëroi se numri R, pra shkalla e infeksionit duhet të mbahet nën 1. Një R do të thotë se një person i infektuar ia kalon sëmundjen një personi tjetër, nëse do të ishte dy, një person me koronavirus do ta kalonte atë te dy të tjerët, domethënë Covid-19 do të përhapet në mënyrë të tmerrshme.
Ai shtoi:
Nëse koronavirusi nuk mbahet nën kontroll është plotësisht e mundur që një valë e dytë e Covid-19 të rikthehet më e egër.
Eksperti paralajmëroi se vala e dytë e Covid-19 mund të jetë më e rëndë se sa e para.
