Megjithëse të vendosur në të njëjtën shtrirje gjeografike me Spanjën, Portugalia ka shënuar mbi 1000 të vdekur me një popullsi prej 10.2 milionë banorë krahasuar me 26 mijë vdekjet në Spanjë, e cila ka 47 milionë banorë.
Portugalia nuk e bëri të detyrueshëm karantinimin, por iu bëri apel qytetarëve që të jenë më të kujdesshëm gjë të cilën e kanë respektuar.
Nga ana tjetër, megjithëse kafet dhe restorantet kanë qëndruar të mbyllura, ekonomia e këtij vendi s’ka ndaluar për asnjë moment.
Sipas ekspertëve ka disa faktorë ku përfshihen edhe udhëtimet e pakta mes Italisë dhe Portugalisë.
Sipas tyre Portugalia ka reaguar shumë më shpejt ndaj pandemisë së koronavirusit.
“Portugalia nuk ka një sistem të pushtetit të deleguar në rajone që e bën të vështirë marrjen e vendimeve; qeveria dhe opozita kanë punuar si një trup duke dërguar porosinë e njëjtë që nga fillimi; dhe ndoshta për këtë kanë mundur të shohin se çfarë po ndodhte jashtë kufijve, qytetarët kanë treguar shkallë të lartë të vetëdijes”, shprehen ekspertët.
