Policia e Shkodrës ka vënë në pranga 26-vjeçarin Françesk Vala lindur e banues në fshatin Gjuraj, Njësia Administrative Pult, ndërsa bashkë me të është arrestuar edhe 25-vjeçari M. Gështenja, banues në fshatin Grude e Re, pasi me automjetin e tij po transportonte Françesk Valën.
Gjykata e Apelit për Krimet e Rënda, Tiranë, këtë shtetas e ka deklaruar fajtor dhe e ka dënuar me 8 vjet burg, për kryerjen e veprave penale “Rrëmbimi ose mbajtja peng e personit”, kryer në bashkëpunim dhe “Mbajtja pa leje e armëve luftarake dhe municionit”.
26-vjeçari është autor i ngjarjes së ndodhur më 21 nëntor të 2015-s, rreth orës 19:00, në fshatin Gjuraj -Plan, ku në bashkëpunim me tre shtetas të tjerë, ka rrëmbyer dhe mbajtur peng shtetasin S. K., në këmbim të vlerës 10.000 euro. Ndërhyrja e policisë bëri të mundur lirimin e pengut dhe arrestimin e 3 prej autorëve të dyshuar.
Shkak i kësaj pengmarrje dyshohet të jenë pazaret e drogës askohe.
