Deklaratat e ministres Elisa Spiropali kundër aktivistëve që mbrojnë Teatrin Kombëtar nga shembja duket se nuk kanë shkaktuar reagime vetëm nga artistë dhe aktorë, por edhe nga socialistët.
Një nga reagimet e shumta në rrjetet sociale është edhe ai i Sejmen Gjokolit, ish-drejtor i Parkut të Orikumit, i cili nuk ka nguruar të shprehë pakënaqësitë mbi ministren e përzgjedhur nga Rama.
Gjokoli që e pranon që është një socialist që është ndeshur me Qeverinë Berisha sikundër shkruan, shprehet se luftën e tij nuk e ka bërë që Spiropali të shfaqet sot si intelektuale.
Madje kritik shprehet edhe për socialistët që nuk kanë guxim t´i tregojnë vendin.
Spiropali i përkiste grupimit të Mjaft bashkë me Erion Veliajn dhe komandoheshin nga Edi Rama, në kohën që vendi qeverisej nga Fatos Nano, ish-kryetar i PS.
Më pas ata themeluan një parti të quajtur G 99, fillimisht si aleate e PS-së, dhe më pas u kuoptuan në strukturat drejtuese të PS-së, duke zëvendësuar shumë emra të njohur në rradhët e socialistëve që u larguan nga Edi Rama, pasi ky i fundit mori drejtimin e PS-së.
Sot Spiropali, Veliaj dhe shumë të tjerë, ish-Mjaftistë dhe G 99, përbëjnë bërthamën e Rilindjes së Ramës. Dhe ndoshta këto emra që u shfaqën nga hiçi, por që sot drejtojnë strukturat e PS-së, kanë krijuar edhe mllefin mesa tyre socialistëve që dikur mbushnin sheshet në protesta, ndërsa sot shohin se si Elisrat shfaqen si gjithollogë dhe të gjithëditur.
