Mentor Hadërgjonaj, i njohur si një nga personazhet e dikurshëm të dosjes “Kokaina”, dhe si ish-bashkëshorti i Albërije Hadërgjonajt, ka rënë sërish në pranga.
52-vjeçari u ndalua pas shtatë ditëve i shpallur në kërkim pasi është kallëzuar nga i vëllai për dhunë në familje, shkruan Top Channel.
I dyshuari, që mban emrin Din Gjonaj, u denoncua nga i vëllai Adem Hadërgjonaj, i cili ka rrëfyer në polici se konflikti mes anëtareve të familjes nisi për posedimin e një objekti në Tiranë.
“Ata më kërcënuan se duhet të dal nga banesa që kam brenda këtyre ambjenteve –tregon kallëzuesi- më pas vëllai më kapi për fyti dhe pastaj këputi çelësat e objektit. S.K, nuk me preku me dorë, por më thanë se do më nxirrnin zvarrë“- shton më tej denoncuesi.
Burimet e policisë shtuan për Anila Hoxhën se Din Gjonaj dyshohet për dhunë një familje, ndërsa 52-vjeçari nuk e ka pranuar akuzën.
Mentor Hadërgjonaj, nga Kosova në vitet 2000 ka pasur në dorë gjithë tregun e kokainës e Europës Qendrore.
Ai ka qenë i martuar me këngëtaren e njohur Albërie Hadërgjonaj, e cila u martua me Mentorin kur kishte vetëm 16 vjeçe. Pasi ish- burri i saj kreu 7 vite burg nën akuzën e përfshirjes në afera kriminale, ata u ndanë në vitin 2007.
