Drejtori i Ujsjellës Kanalizimeve në Tiranë, Redian Molla është kallëzuar penalisht në Prokuroroinë e Tiranës bashkë me bashkëshorten e kryebashkiakut, Erion Veliaj, Ajola Xoxan, si dhe gazetarët Mira Kazhani, Bieta Sulo, Bledi Mane, Skënder Minxhozi, Lorenc Vangjeli, djalin e gazetarit Mero Baze, Aldion Baze si dhe regjisori Leka Bungo.
Padinë e ka bërë Shoqata e Avokatëve Antikorrupsion, e përfaqësuar nga kryetari Ndue Pjetra.
Ajola Xoxa është raportuar më herët nga BoldNews.al se u punësua nga drejtori i Operatorit të Sistemit të Transmetimit (OST), Skerdi Drenova si këshilltare e jashtme.
Ndërsa gazetaret Bieta Sulo dhe Ermira Kazhani u zbuluan se ishin punonjëse në Ujësjellësin e Kanalizimive Tirananë. Sulo në vitin 2018, kurse Kazhani ishte aktualisht punonjëse dhe dha dorëheqjen pas publikimit të skandalit.
Pak ditë më vonë, gazetares Bieta Sulo iu zbulua dhe një punë e dytë në institucionin FDSKSH.
Ndue Pjetra, përmes shoqatës kërkon fillimin e menjëhershëm të ndjekjes penale, ndaj të kallëzuarve të mësipërm dhe të personave të tjerë që do të rezultojnë nga hetimi, si autorë të kryerjes së veprave penale të: “Shpërdorimi i detyrës”, me pasoja të rëndë i kryer në bashkëpunim dhe “Falsifikimi i dokumentave”.
