Gjykata e Beratit ka vendosur masën e sigurisë “Arrest me burg” pa afat për 37 vjeçari Hamza Çela.
Seanca është zhvilluar nën masa të rrepta sigurie, ndërkohë që në seancë nuk është lejuar prania e medias për shkak të situatës pandemike nga virusi Covid-19.
Mbrëmjen e së hënës ky shtetas vrau me thikë komshiun dhe të afërmin e tij Ramadan Çela në fshatin Jaupas të rrethit të Skraparit.
Sipas dëshmive të nipërve të viktimës në vendngjarje, 37-vjeçari i kishte prerë atij kokën, damarët e duarve e të këmbëve dhe i kishte nxjerrë zemrën jashtë.
77-vjeçari Ramadan Çela,që prej vitesh jetonte në qytetin e Poliçanit,ishte kthyer në shtëpinë e vjetër që kishte në fshatin Jaupas për tu marrë me tokat bujqësore dhe pemtarinë,por duke vaditur tokat e mbjella me domate ai u qëllua nga prapa me thikë nga Hamzai dhe pasi ra në tokë u masakruar nga autori,derisa gjeti vdekjen nga gjakëderdhja.
Autori që shëtiti me thikë në dorë dhe me bluzën e lyer me gjak nëpër fshat u kap nga policia gjysëm ore pas vrasjes në përpjekje për tu larguar nga fshati.
