Një 46-vjeçar është arrestuar nga policia e Lezhës në kuadër të operacionit “Shemria”.
Bëhet fjalë për shtetasin P. G., banues në fshatin Shemri, Kurbin, pasi akuzohet për trafikimi të lëndëve narkotike dhe armëmbajtje pa lejë.
Burime zyrtare njoftojnë se, si rezultat i kontrollit të ushtruar në banesën e tij, u gjetën dhe sekuestruan në cilësinë e provës materiale 0.5 kg lëndë narkotike, fishekë luftarak, 1 kallëp tritoli dhe një granatë difensive me ndezës të pavendosur.
Materialet i kaluan Prokurorisë së Rrethit Gjyqësor Kurbin, për veprat penale “Prodhimi dhe shitja e lëndëve narkotike” dhe “Armëmbajtja pa leje”.
