Regjisori i njohur, Edmond Budina, e cilësoi si të paligjshëm veprimin e Policisë Bashkiake që shkoi të merrte në administrim godinën e Teatrit Kombëtar, ndërsa ka hedhur akuza të forta ndaj Qeverisë dhe kryebashkiakut Veliajt.
“Për mendimin tim është edhe një provokim për të matur forcat tona por edhe një arsye për të kërkuar përplajse. Këta kërkojnë përplasje civile, dhe për mua është shqetësuese që një qeveri kërkon diçka të tillë.
Ne nuk jemi këtu për të marrë disa kulla apo si disa që morën dyqane, por për të mbrojtur një pronë publike që është tashmë trashëgimi europiane.
Jetojmë në një shtet të paligjshëm dhe me ç’të drejtë në kohë pandemie miratohen ligje dhe sulesh se do të humbasësh mendjen përmes teatrit kombëtar mendoj se është një politikë kríminale”, tha Budina për emisionin “Pasdite me Xhaxhiun”.
Sipas tij, përderisa nuk ka Gjykatë Kushtetuese dhe nuk pret formimin e saj për të dhënë një vendim, kjo është një propotencë për të zbatuar paligjshmërinë e tyre.
“Këtyre njerëzve që Shqipëria ju duket çiflig, nuk ua ka lënë mamaja apo babi këtë çiflig. Kryebashkiaku për kullat tha nuk e di se akoma nuk është bërë plani, ndërkohë që më vonë plani tregoi se është vendosur për kulla. Ky është një hënjeshtar. Qytetarët e Tiranës u përgjigjen menjëherë”, tha Budina.
