Të paktën 90 milionë euro para në dorë dhe një lojtar në këmbim të Lautaro Martinez. Ky është qëndrimi i palëkundur zyrtar i Interit ndaj Barcelonës, nëse këta të fundit duan shërbimet e argjentinasit.
Megjithatë nga Spanja e bëjnë të sigurt, dhe e ardhmja e sulmuesit 23-vjeçar do të jetë në Camp Nou. “Lautaro, ok“, shkruhet në faqen e parë të gazetës katalanase ‘Sport’. “Akord i pashmangshëm“, vazhdon gazeta, me dy klubet që janë duke përfunduar negociatat me bazë 60 milion euro plus dy lojtarë: njëri është Vidal, ndërsa për futbollistin e dytë nuk është vendosur akoma. Por ashtu siç raporton gazeta spanjolle, Interi është në mëdyshje mes Semedos dhe Emerson.
Gjithnjë sipas “Sport”, Lautaro do të firmosë një kontratë 4 vjeçare me Barcelonën nga ku do të përfitojë 10 milionë euro në sezon, më shumë se trefishi i asaj që përfiton te zikaltërit.
