Një gazetare australiane e quajtur Charlotte Goodlet, ndërkohë që po raportonte për 10 News First, u përball me një të papritur, të cilën e përballoi me profesionalizëm.
Gjatë raportimit, asaj i janë shqepur pantallonat. Charlotte pasi përfundoi raportimin, bëri një foto në fugonin e lajmeve dhe me mikrofon tregon vrimën që i është hapur tek pantallonat. Pjesën e shqepur të pantallonave ajo e kishte mbuluar me një emoji me fytyrë majmuni.
“Momentet pas transmetimit të drejtpërdrejtë. Edhe unë kam pasur lajmin tim më të ri”, ka shkruar ajo.
Momenti nuk u kap në kamerë gjatë raportimit. Kolegët e saj e vlerësuan atë për mënyrën sesi ajo e kishte menaxhuar situatën e sikletshme.
‘Profesioniste e vërtetë’, shkruante gazetarja Today Extra Davina Smith, e cila më parë punonte me Charlotte në Channel Nine.
