Ish-sulmuesi i njohur i Real Madrid, Francisco Aguilar, ka ndërruar jetë në moshën 71-vjeçare. Ai u aktivizua për tetë sezone me “Los Blancos” (1971-1979), periudhë gjatë së cilës shënoi 50 gola në 190 ndeshje.
Me Real Madrid ai fitoi shtatë trofe, pesë herë titullin kampion dhe 2 herë Kupën e Mbretit. Në vitin që u transferua në Madrid erdhi edhe debutimi me kombëtaren spanjolle, skuadër me të cilën shënoi një gol në tre ndeshje të zhvilluara.
“Një nga lojtarët më të mëdhenj historikë që ka veshur fanellën e klubit tonë”, e cilëson Reali ish-sulmuesin në mesazhin e ngushëllimit që ka dërguar për familjarët dhe tifozët e shumtë.
Comunicado Oficial: fallecimiento de Ico Aguilar. #RealMadrid
— Real Madrid C.F. (@realmadrid) May 11, 2020
