Aktiviteti i auto shkollave do të rihapet në dy faza. Drejtoria e Përgjithshme e Shërbimeve të Transportit Rrugor ka bërë me dije se brenda 11 Majit del urdhëresa për rinisjen e regjistrimeve të reja, ndërsa riçelet aktiviteti ekonomik për kursantët e rinj që presin prej 2 muajve.
Ndërsa nga 18 Maji nis edhe instruksioni në rrugë, jo mbi 1 praktikant në kabinë, veç kur janë nuk janë familjar! Duhet të përdoren maska, doreza, të matet temperatura dhe të bëhet dezinfektim.
Sot, pritet të dalë një urdhërese e Ministrisë së Shëndetësisë për masat që duhet të merren nga autoshkollat gjatë ushtrimit ë aktivitetit.
Drejtoria e Transportit Rrugor kujton se njësia Operacionale Anti-Covid monitorojnë hap pas hapi zbatimin e protokolleve të posaçme të sektorit të kualifikimeve për leje drejtimi.
Drejtoria e Transportit Rrugor jep dhe disa këshilla:
Takimet te subjektet, orare seancash, pa krijuar radhë a grumbullime dhe me rezervime online! Edukim për shofera të rinj edhe më të kujdesshëm për rregullat e Covid19 në kabina! Transporti, faktor nr. 1 për fitoren ndaj armikut që vijojmë të përballemi
Kursantëve që iu është ndërprerë kursi i teorisë/praktikës për shkak të mbylljes së aktivitetit në 13 Mars, procesi mësimor do vijojë aty ku është ndërprerë.
Autoshkollat duhet të koordinohen paraprakisht me drejtoritë rajonale për të shmangur tejkalimin e kapaciteteve të lejuara për testim konform protokolleve të masave të sigurisë.
“Shkelja e rregullave do penalizohet ashpër rast pas rasti ose do na rikthejë në bllokim aktiviteti si sektor ndaj duhet përgjegjësi maksimale”, paralajmëron Drejtoria e Transportit Rrugor në një njoftim.
