Këtë të hënë, tregëtarët që shesin rroba të përdorura në Korçë kanë protestuar, duke kërkuar hapjen e tregut, ku sigurojnë të ardhurat për familjet e tyre.
Rreth 170 persona janë mbledhur para bashkisë së qytetit.
Ata shprehen se gjatë kësaj periudhe, nuk kanë marrë as pagë lufte dhe kanë përfituar vetëm nga një pako me ushqime.
Pas takimit me përfaqësuesit e bashkisë, këto të fundit kanë premtuar se situatën do ta shohin në vend, pasi të bëhet pastrimi dhe dezinfektimi i ambienteve.
Por, edhe kjo përgjigje duket se nuk i ka lënë të kënaqur këta tregtarë, të cilët kërkojnë me këmbëngulje hapjen e tregut.
