Ish-deputeti demokrat Genc Pollo, duke folur mbi nismën e Kryeministrit Edi Rama, për legalizimin e kanabisit për qëllime mjekësore, tha se ne kemi përvojën e vitit 2016 kur vendi u kanabizua.
“Kemi të njëjtin kryeministër, kemi një ministër të Brendshëm, që në atë kohë ishte këshilltar për Sigurinë pranë Kreut të Qeverisë, kemi zyrtarë të policisë, që ishin përfshirë në trafikun e drogës. Çfarë po ndodh sot, në vitin 2016 dhe sot në 2020, jemi 1 vit para zgjedhjeve”, tha Pollo në emisionin Open.
Ish-deputeti solli në vëmendje sesi paratë e kanabisit përdoren për të blerë zgjedhjet, ndërsa shtoi se ne nuk jemi Zvicër, Kroaci apo Austri.
Sipas tij, duhet të ketë një debat normal të gjerë dhe të plotë, lidhur me një çështje të tillë.
“Unë jam jo një nisme të tillë, kemi përvojën e mënxyrshme të vitit 2016, por edhe asaj përvoje që po ndodh në Maqedoninë e Veriut, ku në vend që të shitej vaji,u shitën gjethet”, tha Pollo.
Ai tha se Edi Rama po tenton të hapë edhe njëherë atë që ndodhi në 2016 me pretekstin e legalizimit për qëllime mjekësore.
“Jetojmë në Shqipëri që 12 oligarkë të marrin liçencat, atëherë mund të dalin të tjerë të mbjellin në male dhe zona të thella, me pretendimin që pse iu dha miqve të Ramës dhe s´ka polici që ta ndalojë”, tha ai.
