Ish-sulmuesi i Man.United dhe Tottenham, Dimitar Berbatov, mbahet mend si një nga lojtarët më elegant në repartin ofensiv dhe në të njëjtën kohë, bullgari ishte një “bomber” i vërtetë përpara portës.
Berbatov luajti katër sezone në “Old Trafford”, kohë gjatë së cilës fitoi gjashtë trofe. Në një ndeshje të zhvilluar me “Djajtë e Kuq” rrethanat e lojës e detyruan atë të luante 30 minutat e fundit si qendërmbrojtës. Në atë ndeshje skuadra e drejtuar nga Alex Ferguson përballej me Leeds United dhe Berbatov e kujton në këtë mënyrë atë paraqitje.
“E mbaj mend shumë mirë ndeshjen kundër Leeds. U aktivizova për rreth gjysmë ore si mbrojtës, por pak persona e mbajnë mend sesi luajta atë ditë. Isha si një miks midis Baresit, Maldinit dhe Beckenbauer, sikur të tre këta të ishin bërë bashkë tek unë”, komenton Berbatov për “Goal”.
