Jurgen Klopp njihet për sensin e tij të humorit dhe këtë veti të tijën, tekniku gjerman e shpalos herë pas here. Së fundmi ai ka zbuluar se cilin nga ish-lojtarët në historinë e Liverpoolit do të rikthente aktualisht në Anfield.
Trajneri gjerman nuk e ka pasur të vështirë të zgjedh, ndërsa ka përmendur emrin e kapitenit legjendar të “The Reds”, Steven Gerrard dhe sigurisht nuk mund të mungonte edhe batuta. “Do të riktheja Steve-n. Kjo është shumë e thjeshtë, por ai do të duhej të luftonte për vendin e tij në formacion”, deklaroi Klopp duke qeshur.
Ish-mesfushori i The Reds u largua në vitin 2015 nga Liverpooli për të kaluar edhe dy vite të tjera te Los Angeles Galaxy. Gerrard momentalisht është trajner i skuadrës skoceze, Glasgow Rangers.
