Trajneri i Ajax, Erik ten Hag, ka thënë se ylli i Barcelonës, Lionel Messi, ka humbur nga shkëlqimi i tij, pasi Pep Guardiola u largua nga “Camp Nou” në vitin 2012.
Guardiola mori përsipër drejtimin e Barcelonës më 2008 dhe gjatë 4 sezoneve aty pati sukses të madh: tre tituj të La Liga-s, dy fitore Kupës së Mbretit dhe dy Champions. Në aspektin individual, Messi, gjithashtu pati suksesin më të madh në karrierën e tij duke fituar “Topin e Artë” në katër vite radhazi, 2009-2012.
Ndërsa me largimin e Guardiola-s, Messi e ka fituar Ligën e Kampionëve vetëm një herë në tetë sezone, atë në vitin 2015 kundër Juventusit, ku edhe në atë sezon Neymar i vodhi shkëlqimin argjentinasit.
“Messi ishte një nga liderët me trajner Guardiolën, por gjithashtu punoi shumë për ekipin. Në të dyja drejtimet, asokohe shkëlqeu. Ai kurrë nuk ka qenë aq i mirë sa nën drejtimin e Pep. Barcelona nuk ka fituar shumë në aspektin europian vitet e fundit. Messi ende shkëlqen, por tani, herë pas here kalon në kufirin e poshtëm. Asnjëherë nuk ka luajtur si nën drejtimin e Guardiolës. Pep ka ide, guxon, është pionier dhe inovator i futbollit”.
