Policia e Divjakës ka proceduar penalisht 6 persona, mes tyre ish deputetin Ervin Salianji, kryetarin e PD në Divjakë Julian Gjinaj dhe një këshilltar pranë kësaj partie, Marius Seitaj. Nisja e procedimit vjen një ditë pas takimit të tyre me fermërë në Divjakë. Sipas policisë, në këtë takim, u shkel masa e vendosur nga autoritetet në kuadër të arandalimit të COVID, për mos grumbullime të njerëzve.
Mes personave të proceduar janë dhe dy shitës perimesh e njshitës perimesh fermer: E. H., 39 vjeç, R. H., 33 vjeç, A.J., 50 vjeç, të tre banues në Divjakë.
“Ditën e djeshme, Salianji, Seitaj dhe Gjinaj, në rolin e organizatorëve, kanë shkuar pranë pikës së grumbullimit të perimeve në fshatin Mizë, Divjakë dhe kanë grumbulluar fermerë dhe banorë të zonës, duke mos zbatuar Aktin Normativ Nr. 3, datë 15.03.2020 i ndryshuar, si dhe ndryshimet e Kodit Penal të nxjerra nga organet shtetërore në gjendjen aktuale të epidemisë COVID-19. Materialet i kaluan Prokurorisë pranë Gjykatës së Shkallës së Parë Lushnjë, për veprën penale ‘Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë’, në ngarkim të shtetasve të lartëpërmendur, të cilët po hetohen në gjendje të lirë”, njoftoi policia.
