Franca ka konfirmuar 80 jetë të humbura nga Koronavirusi në 24 orët e fundit. Sipas autoriteteve, ky është numri më i ulët i rasteve ditore prej disa javësh.
“Numri i përgjithshëm i viktimave që nga fillimi i pandemisë arriti në 26 310”, njoftoi Ministria e Shëndetësisë.
Spitalet franceze po raportojnë se numri i pacientëve në njësitë e kujdesit intensiv po fillon të pakësohet.
Që nga fillimi i marsit, në spital janë shtruar 95 829 pacientë, nga të cilët 56 038 janë shëruar.
Kjo shifër nuk përfshin dhjetëra mijëra të cilët u shëruan pa patur nevojë të shtroheshin në spital.
