Në tregun e këmbimit valutor vendas, gjatë kësaj jave, monedha e huaja kryesore forcuan pozitat në raport me lekun.
Sipas kursit zyrtar të Bankës së Shqipërisë, euro regjistroi këtë fundjavë vlerën 124.40 lekë, kundrejt 123.57 lekë që ishte të hënën.
Dollari amerikan gjithashtu ka ndjekur trendin e rritjes gjatë periudhës nga 4 deri 8 maj, duke u forcuar me 2 lekë në fundjavë. Dollari këmbehet me 114.83 lekë, ndaj 113.06 lekëve, që ishte ditën e hënë.
Pozita të trendit rritës shënoi edhe paundi britanik. Monedha angleze këmbehet me 142.15 lekë kundrejt 140.42 lekëve që ishte në fillim të javës.
Franga zvicerane ka ndjekur një linjë në ngjitje çdo ditë të kësaj jave, duke shënuar kuotën 118.26 lekë, ndaj 117.18 lekëve që këmbehej të hënën.
