Mark Clattengurg ka renditur 5 lojtarët më të mëdhenj që ai ka gjykuar gjatë karrierës së tij të shkëlqyer.
Arbitri anglez sigurisht që është ndalur duke folur gjatë për dy legjendat e futbollit botëror, Cristiano Ronaldo dhe Lionel Messi-n.
Ronaldo- “Gjëja që admiroja mbi të gjitha për Cristiano Ronaldo-n, ishte aftësia e tij për të shfaqur gjithmonë më të mirën nga vetja kur skuadra e tij vuante dhe ishte në disavantazh. E kam gjykuar atë në Premier League, më pas te Real Madrid dhe ai gjithmonë ishte vendimtar. Në çdo rast isha i vetëdijshëm që ndaja fushën me një lojtar me të vërtetë unik I cili mund të ndryshonte lojën në një fraksion sekondi.
“Gjithashtu kisha relata të mira me të. Kur u ngjita lart, në podium, për të marrë medaljen time pas finales së “Euro 2016”, Ronaldo u përpoq të më përqafonte. Ky ishte niveli i respektit, që kishim për njëri-tjetrin. Isha i zhgënjyer, sepse u dëmtua herët në atë finale. Ndeshja dhe unë humbëm një lojtar të madh në një eveniment të madh”.
“Sidoqoftë, kurrë nuk e trajtova atë ndryshe nga lojtarët e tjerë. Mendoj se kjo është arsyeja pse kemi pasur një marrëdhënie të mirë. Pas një ndeshjeje, një fanellë e tij mbërriti në dhomën time të zhveshjes, me mbishkrimin: Mark, prano urimet e mia më të mira! Cristiano Ronaldo. Në të vërtetë, unë as që ia kisha kërkuar fanellën, por ishte një gjest kaq i bukur”.
“Herën e parë, që e gjykova me Real Madridin, mbaj mend që Iker Casillas e niste topin nga zona e tij dhe me tri pasime kishin shënuar. Unë nuk e kisha kaluar as vijën e mesfushës, por kjo është ajo, që lojtarët e shkëlqyer si Ronaldo mund të bëjnë. Ishte si rrufe dhe klinik”.
Messi – “Kur e gjykova për herë të parë Messin, u befasova me të vërtetë. Ishte Barcelona-PSG dhe, duke qenë aq afër, mbaj mend që mendoja: Oh, Zoti im, kjo qenka e pabesueshme! Kur arbitroni, ju keni tendencë të shikoni topin. Si gjyqtar nuk duhet ta humbisni vëmendjen ndaj topit, por me Messi në fushë ndryshojnë gjërat. Imagjinoni se çfarë makthi kanë mbrojtësit prej tij! Më duhej ta ndryshoja mënyrën e analizimit të lojës, kur ishte ai në fushë.
Leo ishte aq i aftë, sa kundërshtarët përpiqeshin ta ndalonin në mënyra të ndryshme, ndonjëherë duke e goditur në këmbë, ndonjëherë më sipër në trup. Unë e paralajmërova në atë ndeshje të parë, kundër PSG, që të kërcente para se të përplasej me këmbët e kundërshtarit, por asnjëherë nuk u ankua, nuk tha asgjë. Si gjyqtar shpreson ta ndash një ditë me Messi, sepse e di që ajo ndeshje do të jetë patjetër e veçantë”. – ka thënë ai për “Daily Mail“.
