Kryetarja e LSI-së, Monika Kryemadhi, gjatë një interviste në RTSH hodhi akuza të forta ndaj kryeministrit Edi rama, për të cilin tha se nuk i mbylli lojërat e fatit, por i ktheu në online dhe i monopolizoi.
Duke e krahasuar me liderin e së majtës, Fatos Nano, Kryemadhi është shprehur se, ai ishte i keqi i vetes, ndryshe nga Rama.
“Monopolizoi në dorë ligësinë. Pra në qoftë se Fatos Nano ishte i lig për veten dhe familjen e tij, që luante bixhoz, për xhepin e tij, pra ishte i keqi i vetes. Kush luan bixhoz, për mua, ose kush pi alkol e të tjera është i keqi i vetes së vet. Për mua është i keq ai që i nxit të tjerët që të shkojnë drejt asaj rruge. Dhe zotëria në fjalë që thoni ju nuk i mbylli, i monopolizoi në një dorë. Sepse sot mos prisni që njerëzit të shkojnë të futen në dyqan dhe ta shikojnë që ky hyri, sikur të shohin një burrë që shkon në një shtëpi të dritave të kuqe. Ky çfarë bëri? Sot po luan fort që të luhet drejt online-t, pavarësisht se situata ekonomike e të tjera gjëra e bëjnë të pamundur”, tha Kryemadhi .
