Tre viktima janë shënuar mëngjesin e sotëm nga ngjarja e rëndë në fshatin Dyshnik, në Berat.
Kamber Hoxha, 77 vjeç, Neim Hoxha, 46 vjeç si dhe Gentjan Golashi 45 vjeç mbetën të bllokuar në një pus dhe për pasojë kanë ndërruar jetë
Pas më shumë se 30 minutash të bllokuar në thellësi, u nxjerrë të pajetë Gentian dhe Kamber Hoxha, e ndërsa u nxorr me shenja jete Neim Hoxha. Por as ky i fundit nuk ka arritur dot të mbijetojë duke ndërruar jetë në spital.
Viktimat kanë qenë anëtarë të një familjeje.
Ata kanë qenë duke bërë gërmime për ujë dhe dyshohet se kanë hasur në xhep gazi duke bërë që të mbetetn të bllokuar dhe të asfiksohen nga gazi.
Banorë të zonës kanë treguar për mediat, se fillimisht ishte bllokuar vetëm njëri, ndërsa dy të tjerë i kanë ardhur në ndihmë, dhe më pas kanë mbetur edhe vetë aty.
