Një shtet rrethim politik e konsideron Lëvizja Socialiste për Integrim kufizimin e orarit të lëvizjes së qytetarëve dhe mjeteve pas orës 17:30.
Nënkryetari i kësaj force politike, Petrit Vasili në një deklaratë për mediat tha se ky kufizim s’ka të bëjë fare me përhapjen e pandemisë apo ndonjë rrezik shëndetësor, por është me qëllime politike dhe me qëllime të këqija të karakterit ekonomik.
Ai i bëri thirrje qeverisë që të heqë urgjentisht këtë fashë orari.
“Kufizimi i lëvizjes në 17:30 është një shtetrrethim politik që s’ka të bëjë me përhapjen e pandemisë dhe ndonjë rrezik shëndetësor. Kufizimi në 17:30 nuk ka asnjë bazë shkencore. Po qeveria publikon shifra të tjera, shifra sipas saj në ulje dhe njëherazi në pjesën më të dendur të lëvizjes së ditës e lejon dhe kur bie lëvizja e kufizon”, deklaroi sot Vasili.
Rrëzon biznesin. Nga mëngjesi deri në darkë fadromat, ekskavatorët e oligarkëve kanë punuar pa pushim. Duan të rrënojnë biznesin e vogël përfundimisht. E vërteta e COVID është futur në darën e mashtrimit pasi 2 mundësi kishte për të zbuluar, testimet në shumicë dhe aktivizimin e mjekut të familjes. Mos bërja e këtyre të dyjave e varrosi të vërtetën.
Tërheqja e kufizimit 17:30 masa më urgjente që qeveria duhet të ndërmarrë”, theksoi Vasili.
