Kryeministri Edi Rama i ftuar në ‘Çim Peka Live’, ka komentuar edhe njëherë tërheqjen e tij nga padia ndaj gazetarit të medias gjermane ‘BILD’, për të cilin u justifikua me arsyetimin se ishte takuar me shefat editorialë dhe sot kanë një komunikim njerëzor.
Por Peka i ka kujtuar Ramës se ai ka ngritur dhe një padi ndaj gazetarit Ylli Rakipi. Me ironi Peka e pyet nëse do të ulej në një tryezë me Rakipin a do të tërhiqte padinë, Rama theksoi se nuk është e njëjta situatë.
Pjesë nga debati:
Peka: Meqë jeni kaq njerëzor, po ju ul unë në një tryezë me zotin Rakipi se dhe ndaj tij keni bërë padi.
Rama: Nuk është apsolutisht e njëjta gjë. Pavarësisht se edhe me Ylli Rakipin unë mund të takohem dhe se kam problem të gjej dhe tek ai njerëzoren, rasti konkret është i ndryshëm dhe nuk ka asnjë të krahasuar mes akuzave barbare të bëra nga Ylli.
