Tre prej 12 rasteve të reja me COVID-19 të raportuara sot nga autoritetet e shëndetësisë i përkisnin qytetit të Fierit. Vlen të theksohet se ka një rikthim të virusit në këtë qytet pasi ishin shëruar të gjithë të prekurit.
Ndëkohë që janë zbardhur dhe detajet për tre rastet e reja, ku mësohet se bëhet fjalë për një grua tetë muajshe shtatzënë, vjehrrën e saj dhe djalin e saj 2 vjeç.
Burimet bëjnë me dije se vajza kishte qenë në Tiranë për të takuar prindërit e saj.
Familja jeton në lagjen “8 shkurti” në Fier.
Në rang kombëtar, numri i të infektuarëve me COVID-19 në vendin tonë ka arritur në 832, 595 prej të cilëve janë shëruar dhe 31 fatkeqësisht kanë ndërruar jetë.
