Iu është vetëdorëzuar shërbimevbe të Policisë mëngjes e sotëm autori i plagosjes së dyfishtë të mbrëmjen së djeshme në Mamurras, Kurbin.
Autori i ngjarjes së rëndë është 26-vjeçari Aurel Shurbi.
Ai mbrëmjen e djeshme, plagosi me armë zjarri dajë e nip, Agron Mema e Klevis Leka, 53 dhe 29 vjeç. Ngjarja ka ndodhur në vendin e quajtur ura e Drojës.
Policia, rreth dy kilometra larg vendit të ngjarjes, ka gjetur dhe sekuestruar edhe armën e zjarrit kallashnikov me të cilën autori plagosi dy shtetasit (dajë e nip).
Ngjarja dyshohet se ka ndodhur për shkak të një sherri banal.
Të plagosurit ndodhen për ndihmë mjekësore në spitalin e Traumës, Tiranë, jashtë rrezikut për jetën.
Mbi Aurel Shurbin rëndojnë akuzat për veprat penale “Vrasje në rrethana të tjera cilësuese, kundër dy ose më shumë personave, e mbetur në tentativë” dhe “Armëmbajtja pa leje”.
Materialet i kaluan Prokurorisë, për veprime të mëtejshme.
