Disa ditë më parë mediet gjermane deklaronin që Bundesliga do të rikthehej më datë 15 maj, por kjo gjë nuk do të ndodhë.
Arsyeja për këtë vendim është se kancelaria gjermane, Angela Merkel, në një takim të fundit ka këmbëngulur për një karantinë 2-javore për të gjitha klubet në futbollin gjerman.
Për pasojë, agjencia gjermane e lajmeve, DPA, raporton se Bundesliga mund të rifillojë më 22 maj, por ende nuk është përfundimtare, pasi ka mendime të ndryshme.
Sipas mediave gjermane, periudha e izolimit mund të bëhet brenda kampeve stërvitore, në mënyrë që lojtarët të stërviten gjatë periudhës së karantinimit.
Pas kësaj, tashmë data kur Bundesliga me shumë mundësi do të rikthehet do të jetë 22 maji, duke shuar shpresat e tifozëve që prisnin të riniste më 15 maj, siç raportohej prej ditësh.
