Këtë të mërkurë në “Abc e mëngjesit” ishte i ftuar në studio edhe eksperti i ekonomisë Pano Soko për të folur më shumë rreth ndikimit që ka pasur Pandemia në ekonominë e vendit tonë.
Gjatë bisedës në studio është folur për paketat e ndihmës ekonomike që janë dhënë nga qeveria në këtë periudhë dhe rreth reagimeve që kanë ndodhur rreth tyre nga palë të ndryshme.
Soko thotë që punonjësve shqiptarë u është dhënë në rastin më të mirë një pagë minimale dhe shumica e bizneseve apo punonjësit e prekur nuk kanë përfituar.
Pano Soko: Në rastin më të mirë u është dhënë një pagë minimale. Nga 93,000 biznese që ka sot Shqipëria, që u prekën nga kriza që patën mbyllje apo reduktim të thellë aktivitetit të tyre me një staf prej rreth 240,000 vetësh vetëm 60,000 veta përfituan, pra po flasim për tre të katërtën.
Sipas ekspertit të ekonomisë, ka një problem me këtë ndarjen në paketa, pasi qeveritë normale dhe serioze, shton ai, bëjnë një paketë dhe mbaron aty. “Kjo me serialet e ndarjet, si telenovelë turke. Nuk është serioze”, vazhdon Soko.
Gjithashtu sipas Sokos paketat nuk i vijnë në ndihmë familjeve në nevojë pasi i bie të marrin nga 200 lekë në ditë.
Soko: 40,000 lekë për tre muaj, imagjino një familje me tre veta që merr 13,000 lekë në muaj. Nga këto 6-7000 lekë shkojnë vetëm drita e ujë. dhe i bie 200 lekë në ditë. si mund dhe sa mund të ndihmojë një paketë e tillë një familje.
Ndërsa, duke folur për paketat ekonomike në Maqedoninë e Veriut, Abdylmenaf Bexheti, akademik, rektor i Universitetit të Evropës Juglindore në Tetovë është shprehur se mund t’i shohesh në dy prespektiva.
“E parë nga prespektiva e Tiranës është më optimiste ndërsa e parë nga prespektiva e Shkupit gjithashtu ka skepticizëm”, thotë Bexheti.
