Paraditen e kësaj të marte, punonjësit e “Albpetrolin” në Fier janë ngritur në protestë.
Ata janë mbledhur para këtij institucioni dhe deklarojnë se janë njoftuar për ulje të pagave dhe largim nga puna nga administratori i kësaj kompanie.
Punonjësit që kanë vjetërsi pune mbi 30 vjet në këtë kompani do të hiqen nga puna dhe do ju mbahen pagat.
Punonjësit janë shprehur të indinjuar nga ky vendim i cili do t’i trajtojë me 50-60% të rrogës mujore në një kohë që kanë punuar si zakonisht nga 8 orë në ditë.
Kompania shtetërore e naftës Albpetrolit ka gjithësej 2300 punonjës.
Për mediat njëra nga punonjëset shprehet se Albpetrolin nuk po e drejtojnë më specialistët por jo specialistë nga Tirana.
”Ne jemi mbledhur sot për të protestuar, për të kërkuar të drejtat tona sepse na është bërë një padrejtësi. E para, ne na kanë nxjerrë në një reformë, të gjithë specialistët, inxhinierët, ekosomistët e vjetër dhe punëtorët e kualifikuar. Unë e njoh procesin e naftës sepse kam punuar 26 vjet, dhe nga mosmenaxhimi i mirë, këta e drejtojnë Albpetrolin me anë të e-maileve, me shkop magjik dhe jo te gryka e puseve ku janë punëtorët. Janë mbledhur një rrjetë merimangash që nuk kanë lidhje fare me Albpetrolin, kapterra, mësues, mjekë drejtojnë Albpetrolin sot. Këtë ja bëj me dije kryeministrit, që të vijnë këtu e të shohin sesi është situata e naftës”, shprehet një nga punonjëset.
