Ministrja e Arsimit, Sportit e Rinisë, Besa Shahini, tha se ende nuk dihet se çfarë do bëhet me vitin e ri shkollor, pasi ka ende vend për diskutime. Ndërkohë, shtoi se për sa i përket vitit akademik, mund të vijohet sipas planit e të niset sërish në nëntor.
“Nuk e kemi vendosur ende se kur do të fillojë viti i ri shkollor. Do të shikojmë procesin besoj se nuk do kemi ndryshime.
Nëse ka një rritje të të infektuarve marrim vendime anuluese të planeve. Pastaj do të marrim vendim se kur do të fillojmë vitin e ri shkollor.
Vitit i ri akademik mund të fillojë me një vonesë dy javore. Të fillohet puna me studentët që diplomohen. Në nëntor mund të filloj viti i ri akademik”, tha Shahini në një lidhje direkte me emisionin “Top Talk”
Ministrja e Arsimit u shpreh edhe mbi zgjedhjet në Universitet.
“Ministria ka në dorë vetëm datën dhe është punë e brendshme në Univeristet për zhvillimin e zgjedhjeve”, tha ajo.
