PSG është nga ato klubet e pakta që nuk e ndjen krizën të shkaktuar nga pandemia coronavirus. Sipas mediave franceze, klubi parisien nuk dëshiron kurrsesi që të ndajë rrugët me yllin e tyre Kylian Mbappe dhe për këtë ata kanë një plan të veçantë ku përfshihen shumë para.
Kampioni i botës është nën kontratë deri në qershor të vitit 2022 dhe te PSG duan të bashkëpunojnë edhe më tej me sulmuesin, që kërkohet me ngulm nga Real Madrid. Oferta e fundit e ka bërë atë të ndryshojë mendje dhe të mendojë për rinovimin.
Sipas “L’Equipe”, PSG i ofron atij 600 mijë sterlina në javë. Një shifër mjaft e lartë, dyfishi i asaj që përfiton tani sulmuesi francez, i blerë nga Monaco dy vite më parë për shumën e 180 milion eurove.
