Te Juventusi, janë gati të rifillojnë seancat stërvitore, pas rreth 2 muajsh pezullimi të çdo aktiviteti futbollistik.
Pjesëtarët e bardhezinjve kanë kryer sot testet e para në bazë të protokollit shëndetësor të FIGC (Federata Italiane e Futbollit), aty ku përfshihen testet mjekësore, ato fizike dhe bërja e tamponit.
Mësohet se Leonardo Bonucci, Federico Bernardeschi, Juan Cuadrado, Carlo Pinsoglio dhe Aaron Ramsey ishin lojtarët që u paraqitën ditën e sotme. Stërvitjet individuale te Juventusi pritet të fillojnë nga dita e neserme.
Kampionët e Italisë janë ndër klubet më të prekura nga coronavirusi. Tre lojtarë u infektuan me COVID-19, Daniele Rugani, Blaise Matuidi dhe Paulo Dybala. Dy të parët u shëruan dhe e fituan betejën, ndërsa lojtari argjentinas pret rezultatin e tamponit të fundit.
