Gjatë qëndrimit 8-vjeçar në “Old Trafford”, Patrice Evra, ndër të tjera fitoi 5 kampionate dhe gjithashtu Ligën e Kampioneve në vitin 2008.
Pas këtij suksesi të madh, ish-mbrojtësi i krahut të majtë të Man.United, pranoi se ai nuk i ka shijuar si duhet sukseset me bashkëlojtarët e tij pasi sipas tij, Ferguson i kishte kthyer në robotë dhe trofetë ishin dicka që priteshin.
“Do të tregohem i sinqertë. Kur fiton titullin e tretë, të katërt e kështu me radhë, bëhet diçka normale dhe nuk feston si duhet. Gëzohesh dhe feston përpara kamerave por nuk është e njëjtë. Ferguson na mësoi të silleshim si robotë. Nuk mendoj se isha qenie njerëzore kur luaja për Man.United. Kur fitonin ndeshje, kur bëja një ndeshje të mirë, kurrë nuk isha i kënaqur. Për mua ishte diçka normale. Me pak fjalë mund të them që përgjatë karrierës sime, Deschamps më mësoi se fitoret janë të rëndësishme ndërsa Ferguson më mësoi se fitoret ishin normale”. – ka thënë ai për faqen zyrtare të Man.United.
