Mbrojtësi i Liverpoolit, Dejan Lovren, me sa duket mbështet teorinë e konspiracionit se pandemia e koronavirusit nuk është asgjë tjetër veçse një mit për të detyruar njerëzit që të vaksinohen.
Kriza e coronavirusit ka pasur një impakt të madh në të gjithë globin dhe në momentin që flasim zyrtarisht numërohen 249,014 persona të vdekur. Por sidoqoftë duke parë dhe postimet e Lovren në rrjetet sociale, ai nuk e merr si të vërtetë atë që po ndodh.
Kroati ka reaguar ndaj një postimi të Bill Gates, në të cilin miliarderi shihet duke mbajtur një tabelë, ku thuhet: “Faleminderit punëtorëve mjekësorë”. Lovren komentoi duke shkruar: “Loja mbaroi Bill. Njerëzit nuk janë të verbër”.
30-vjeçari më pas zbuloi se është një fans i teorisë së konspiracionit të David Ickes përmes postimeve të tij në “Instagram”, raporton “Daily Mail”.
Sipas kësaj teorie, koronavirusi është një mit, që po bëhet për t’i detyruar njerëzit që të vaksinohen. Icke beson se vaksina do të bëhet për t’i kontrolluar njerëzit.
