Pesë persona të tjerë kanë rezultuar pozitiv me COVID-19 në 24 orët e fundit në Maqedoninë e Veriut nga 249 teste të realizuara.
Sipas qyteteve: 2 raste të reja janë paraqitur në Shkup, në Kumanovë 1, Tetovë 1, Prilep 1.
Në total numri i të infektuarëve në RMV ka arritur në 1511 persona.
Në 24 orët e fundit kanë ndërruar jetë dhe 2 pacientë të tjerë me COVID-19 duke e çuar në 84 numrin total të viktimave në vend nga koronavirusi. Një viktimë është nga Kumanova, kurse viktima tjetër nga Struga.
Gjatë 24 orëve të fundit betejën me COVID-19 e kanë fituar dhe 95 pacientë të tjerë, duke e çuar në 945 numrin total të të shëruarëve.
