Ministri i brendshëm i Gjermanisë, Horst Seehofer, deklaroi ditën e sotme se ai e mbështet rinisjen e sezonit të futbollit këtë muaj, pavarësisht tre personave që rezultuan pozitiv me coronavirus në klubin e Koln.
Ai u shpreh pozitivisht për mundësinë e Bundisligës që të rikthehet në fushë, natyrisht pa dhënë date.
“Unë gjykoj se plani i Ligës së Futbollit është i besueshëm dhe unë e mbështes nisjen e Bundesligës në maj, por është e qartë se nuk do të ketë privilegje për kampionatin, që nuk do t’i kenë qytetarët”.
“Unë mendoj se nëse del një rast pozitiv, skuadra duhet të mbyllet në karantinë, diçka që nuk është në planin e Ligës”. – tha Seehofer.
Kujtojmë që vendimi përfundimtar për fatet e Bundesligës, pritet të merret këtë javë nga kancelaria e Gjermanisë, Angela Merkel.
