Edhe pse qytetarët janë në izolim për shkak të pandemisë COVID-19, Presidenti i Republikës Ilir Meta vijon me udhëtimet e tij nëpër Shqipëri.
Së fundmi, kreu i shteti është duke vizituar zonat e Kolonjës dhe sot është ndalur fshatin nga ka origjinën Tedi Blushi, këshilltari i tij.
Edhe fshati mban emrin Blush dhe zëdhënësi i Metës shkruan se bashkë me Presidentin takuan shumë punëtorë si dhe Fani Janon një banor i këtij fshati me tëcilin ndanë rrëfimet.
Postimi i Tedi Blushit:
Me Presidentin, në Blushin e rrënjëve të mia!
Kënaqësi të takonim shumë njerëz të mrekullueshëm e punëtorë dhe enciklopedinë e gjallë, Fani Jano, që me rrëfimet e tij na ktheu pas në të kaluarën e ndritur të këtij fshati me emër në Kolonjë.
