A ka qarkulluar Covid-19 në Shqipëri që prej muajit janar apo jo? Ky është debati në rrjetet sociale mes një grupi mjekësh dhe epidemiologësh që ndajnë mendime të ndryshme.
Pak ditë më parë mjeku i njohur Gëzim Xhepa publikoi në rrjetet sociale imazhet pulmonare të realizuara nga imazheristi i Infektivit, Renato Onsmënaj, duke u shpreh se virusi në Shqipëri ka qarkulluar në datat 15-20 janar.
E ndërsa ka dëshmi të qytetarëve të ndryshëm se kanë pasur shenjat e koronavirusit që në ditët e para të muajit janar 2020, epidemiologia Silva Bino, ndaj një tjetër mendim. Madje ajo ka replikuar me mjekët në rrjetet sociale.
Bino, shefe e departamentit në epidemiologjisë në ISHP, ka ironizuar imazhet e radiologut Renato Osmani .
“Në kurbën që ke nxjerrë është e qartë që ka qarkullim gripi. Gjithsecili të bëjë punën e vet, mostrën e parë dhe transportin e pacientes e kam bërë vetë dhe i rezultoi me grip”, shprehet Bino.
Bino thotë se duhet parë sipas saj konteksti i kurbave dhe kolonave te gripit për 10 vite.
Silva Bino e ISHP replikon edhe me mjekun Erion Dasho, ekspert i shëndetit në Frankurt të Gjermanisë, të cilit i kujton ngjyrat e teserave partiake.
Mjeku Erion Dasho i është kundërpërgjigjur Binos me një fraze që nuk lë hapësirë për koment. Duke iu referuar imazheve të mushkërive të publikuara nga radiologu, Dasho shkruan “Renato duhet kritikuar edhe se e ka vënë grafikun shtrembër si Kulla e Pizës”.
“Kur quan akoma epidemiologji daljen me çantë në dorë si në shekullin e 19-të, ca gjëra edhe shpëtojnë” shkruan Dasho, pasi Bino vë në dyshim aftësinë e tij profesionale në këtë fushë.
