Trajneri i Holandës, Ronald Koeman, është shtruar me urgjencë në një spital të Amsterdamit, pasi ka shfaqur probleme me zemrën.
Një ambulancë mbërriti sot në shtëpinë e tij, ku raportohet se 57-vjeçari kishte pësuar një sulm në zemër. Falë ndërhyrjes së shpejtë të mjekëve, tanimë gjendja e tij raportohet e stabilizuar.
Koeman është trajneri i Holandez për më shumë se dy vjet tashmë duke ndihmuar vendin që të kualifikohet në Euro 2020, eveniment i cili është shtyrë për vitin e ardhshëm për shkak të pandemisë koronavirus.
