Një tjetër pacient ka ndërruar jetë për shkak të COVID-19 në veri të Kosovës, ndërsa janë shënuar dhe tri raste të reja pozitive gjatë 24 orëve të fundit, bën me dije Shtabi i Krizave në Mitrovicë të Veriut.
I vdekuri është pacient i spitalit në Mitrovicën e Veriut, raporton “Radio Kontakt Plus”.
Ndërkohë, sipas këtij shtabi, tri rastet e reja vijnë nga Leposaviqi.
Deri më tani, në komunat e banuara me shumicë serbe në Kosovë, janë gjithsej 108 të infektuar, nëntë të vdekur dhe 72 të shëruar.
