Mesfushori spanjoll i Milanit, Samu Castillejo, i intervistuar nga “AS” ka folur për urgjencën e coronavirusit në Itali dhe rreth rikthimit të Serie A.
Castillejo deklaroi se ka shumë frikë nga infektimi me coronavirus, por u shpreh i gatshëm të zbresë në fushën e lojës, duke pranuar se i mungon shumë futbolli i luajtur.
“Natyrisht që kam frikë me situatën që është krijuar. Paolo dhe Daniele Maldini e kanë menaxhuar mirë dhe tani janë shëruar, por frika ekziston gjithsesi, kur shohim se çfarë bëhet në shumë vende të botës. Megjithatë futbolli më mungon shumë dhe mezi pres që të zbresim në fushë për t’u stërvitur të paktën”, tha Castillejo.
