Pas vendimit të qeverisë franceze për të pezulluar të gjitha aktivitet sportive deri në muajin gusht, për pasojë sezoni futbollistik atje u mbyll para kohe. Kështu ndryshe nga Holanda që e cilësoi sezonin si të pavlefshëm, Ligue 1 caktoi kampionen e saj.
Pas lajmit që u shpall kampione e vendit, PSG, merr edhe dy lajme të tjera të mira. Kylian Mbappe është shpallur golashënuesi më i mirë i kampionatit francez, ndërsa Angel Di Maria, ka triumfuar në klasifikimin e asisteve.
Mbappe e ka mbyllur në krye me 18 gola në 20 ndeshje të luajtura, duke lënë mbrapa Ben Yedder (18 gola në 26 ndeshje), Dembele (16), Neymar (13) dhe Osimhen (13).
Nga ana tjetër, Di Maria, e ka fituar çmimin e tij falë 14 asisteve që ka dhënë. Pas tij janë renditur Slimani (8), Court (7), Lees-Melou (6) dhe Neymar (6).
