Mbretëria e Bashkuar arriti objektivin prej 100,000 teste deri në fund të prillit, por qeveria është akuzuar se ishte treguar kreative me numërimin, duke përfshirë edhe tamponet e dërguara në shtëpitë e njerëzve që mund të mos jenë kthyer.
Por edhe duke zbritur këto shifra, qeveria, arriti një rritje tetëfish nga një muaj më parë.
Megjithatë, ekzistojnë pyetje serioze në lidhje me qasjen e Mbretërisë së Bashkuar për testimin.
Ndërsa shpërthimi po përhapej, u bë e qartë se sistemi i testimit do të mbingarkohej, me shqetësime që qeveria ishte e ngadaltë në reagim.
Shumë besojnë se vonesa ishte vërtet e kushtueshme, veçanërisht kur bëhet fjalë për kapacitetet e qeverisë për testimin në azile, ku më shumë jetë mund të ishin shpëtuar.
Disa gjithashtu mendojnë se objektivi 100,000 mund të pengojë, në vend se të ndihmojë, me objektivin gjashtë shifror që përbën “testim për hir të testimit”.
Mbretëria e Bashkuar është dashur të veprojë si vendet e tjera, të tilla si Gjermania, Italia dhe Lituania.
Dhe testi kryesor ende s’ka ardhur. Masat efektive të gjurmimit do të jenë thelbësore për të ndihmuar çdo lehtësim të masave të izolimit. / bbc
