Shkencëtarët që punojnë për ushtrinë amerikane kanë hartuar një test të ri ndaj Covid-19, i cili mund të identifikojë potencialisht ata që e kanë virusin, para se të përhapin infeksionin.
Koordinatorët e projektit shpresojnë që testi, i bazuar në gjak do të jetë në gjendje të zbulojë praninë e virusit sa më shpejt, brenda harkut kohorë të 24 orëve pas infeksionit. Kjo do të ndodh përpara se njerëzit të shfaqin simptoma dhe disa ditë para se një transportues të konsiderohet i aftë për ta përhapur atë në të tjerë njerëz.
Ky test vepron rreth katër ditë para se testet aktuale mund të zbulojnë virusin, shkruan The Guardian.
Testi i krijuar nga Agjencia e Projekteve të Kërkimit të Avancuar të Mbrojtjes së Ushtrisë amerikane (Darpa), synon diagnostikimin e shpejtë të helmimeve nga mikrobet ose viruset, apo kimikate.
Testi i ri pritet të paraqitet për miratimin e përdorimit të urgjencës (EUA) nga Administrata e Ushqimit dhe Barnave e SHBA (FDA) brenda një jave.
“Koncepti mbush një hendek diagnostikues në të gjithë botën”, i tha Guardian kreu i zyrës së teknologjive biologjike të Darpa, Dr Brad Ringeisen.
“Qëllimi i hulumtimit është të zhvillojë dhe vërtetojë një test të hershëm diagnostikues të përgjigjes së gjakut për Covid,” tha Prof. Stuart Sealfon, i cili udhëheq ekipin hulumtues në spitalin Mount Sinai në New York.
