Lideri i Koresë së Veriut Kim Jong-Un është rishfaqur në publik, pas tre javësh spekulime lidhur me gjendjen e tij shëndetësore dhe pasi u përfol i vdekur.
Ai u pa i buzëqeshur dhe në formë të mirë shëndetësore.
Por mediat së fundmi, kanë vërejtur një të dhënë interesante në imazhet e fundit të liderit koreano-verior.
Fotot tregojnë një shenjë misterioze në kyçin e dorës së tij, ndersa mediat aludojnë se Kim mund ti jetë nënshtruar disa procedurave mjekësore.
Në daljet e tij të mëparshme, shenja në dorën e tij nuk është parë.
Duke pasur parasysh se informacionet që dalin nga Korea e Veriut janë shumë shpesh të kontrolluara dhe të kufizuara, autoritetet shtetërore nuk kanë nxjerrë asnjë të dhënë apo koment për shenjën në dorën e Kim Jong Un.
