29 raste të reja, 4 viktima dhe 69 të shëruar është bilanci i COVID-19 në 24 orët e fundit në Maqedoninë e Veriut.
Autoritetet e shëndetësisë konfirmuan se në 24 orët e fundit kanë rezultuar pozitiv me COVID-19 29 persona nga 362 teste të kryera.
Sipas qyteteve: 11 raste në Shkup, në Kumanovë 4, Tetovë 2, Prilep 3, Koçani 3. Në total numri i të infektuarëvbe në RMV ka arritur në 1494, prej të cilëve 606 raste janë aktive.
Kanë ndërruar jetë dhe 4 pacientë tjerë me COVID-19 duke e çuar në 81 numrin e viktimave në vend.
Në Klinikën Infektive në Shkup ka ndërruar jetë dy pacientë nga Prilepi, paciente në moshën 55 vjeçe, e cila ishte shtruar në spital me 24 prill dhe një pacient 84 vjeç që ishte shtruar në spital me 27 prill. ISHP ka regjistruar edhe një rast të vdekjes në Prilep tek një paciente në moshën 69 vjeçe e cila ka ndërruar jetë në shtëpi. Në spitalin “8 shtatori” ka ndërruar jetë një 62 vjeçar nga fshati Zrnovc i Koçanit, i cili në spital ishte shtruar me 21 prill.
Gjatë 24 orëve të fundit janë shëruar dhe 69 pacientë të tjerë me koronavirus, duke e çuar në 807 numrin e personave që kanë fituar betejën me COVID-19 në Maqedoninë e Veriut.
